PK-LIVE NEWS

ماہرین کے مطابق یہ کشتیاں ایک ایسی جنگی حکمتِ عملی کا حصہ ہیں جسے امریکہ جیسی مضبوط بحری طاقتوں کا مقابلہ کرنے کے لیے تیار کیا گیا ہے۔
مضمون کی تفصیل
مصنف,لوئس باہوکو
عہدہ,بی بی سی ورلڈ سروس
وقت اشاعت
8 گھنٹے قبل
مطالعے کا وقت: 7 منٹ
امریکی صدر ڈونلڈ ٹرمپ نے حال ہی میں دعویٰ کیا ہے کہ انھوں نے ایران کی بحریہ کو مکمل طور پر تباہ کر دیا ہے اور اسے ’صرف مشین گن سے لیس چھوٹی کشتیوں‘ تک محدود کر دیا ہے۔

تاہم تجزیہ کاروں کے مطابق یہ ’چھوٹی کشتیاں‘، جنھیں مغربی ماہرین بعض اوقات ’موسکیٹو فلیٹ‘ یعنی ’مچھر بیڑے‘ کا نام دیتے ہیں اپنی چھوٹی جسامت کے باوجود مؤثر اور خطرناک ثابت ہوا ہے۔

کئی ماہ سے یہی کشتیاں آبنائے ہرمز میں شدید خلل کا باعث بن رہی ہیں۔ آبنائے ہرمز دنیا کی اہم ترین آبی تجارتی گزرگاہوں میں شمار ہوتی ہے، جہاں سے بڑی مقدار میں عالمی تیل کی ترسیل ہوتی ہے۔

ماہرین کے مطابق ایران اس حکمت عملی کے ذریعے عالمی معیشت کو متاثر کرنے اور واشنگٹن پر دباؤ ڈالنے کی کوشش کر رہا ہے تاکہ وہ تہران کے خلاف اپنی جنگی پالیسی ترک کر دے۔

تاہم سوال یہ ہے کہ یہ ’موسکیٹو فلیٹ‘ یا ’مچھر بیڑا‘ دراصل کیا ہیں اور یہ کس طرح اپنے محدود وسائل کے باوجود اتنا مؤثر اور خطرناک ثابت ہو رہا ہے؟